Di West African Senior School Certificate Examination (WASCCE) don release di 2020 results for school candidates.
According to di council, out of One Million Five Hundred and Thirty-Eight Thousand Four Hundred and Forty-Five (1,538,445) wey sit for di result, di results of Two Hundred and Fifteen Thousand One Hundred and Forty-Nine (215,149) candidates, wey represent 13.98% of di total number of candidates, dey withheld in connection with various reported cases of examination malpractice.
WAEC say Candidates wey sit for di examination and wey don fulfill dia financial obligations to di Council fit access dia performance ontop di Council results website for : www.waecdirect.org.
Di council bin plan to release di results on 28 October but postpone am sake of sake of di curfew wey bin dey some states last week afta di violence wey spread wen hoodlums hijack di peaceful End SARS protest.
Di West African Examinations Council bin release di timetable for di 2020 West African Senior School Certificate Examination for August afta dem push am back sake of di coronavirus palava..
Federal Goment bin announce say graduating student go resume August 4 and say WASSCE go begin August 17, 2020 through September 12, 2020.